Class 9: ರಾಸಾಯನಿಕ ಕ್ರಿಯೆಗಳು

Home/Videos/Kannada Videos/Chemistry Videos/Class 9: ರಾಸಾಯನಿಕ ಕ್ರಿಯೆಗಳು

Class 9: ರಾಸಾಯನಿಕ ಕ್ರಿಯೆಗಳು

ರಾಸಾಯನಿಕ ಪ್ರತಿಕ್ರಿಯೆಗಳು

ನಮ್ಮ ಉದ್ದೇಶ

ಕೆಳಗಿನ ಪ್ರತಿಕ್ರಿಯೆಗಳನ್ನು ಕೈಗೊಳ್ಳುವುದು ಮತ್ತು ಭೌತಿಕ ಅಥವಾ ರಾಸಾಯನಿಕ ಬದಲಾವಣೆಗಳಂತೆ ಅವುಗಳನ್ನು ವರ್ಗೀಕರಿಸುವುದು .

  • ಗಾಳಿಯಲ್ಲಿ ಮೆಗ್ನೀಶಿಯಂ ಉರಿಸುವುದು.
  • ನೀರಿನಲ್ಲಿ ಸೋಡಿಯಂ ಸಲ್ಫೇಟ್ ದ್ರಾವಣದ ಜೊತೆ ಬೇರಿಯಂ ಕ್ಲೋರೈಡ್ ದ್ರಾವಣದ ಪ್ರತಿಕ್ರಿಯೆ.
  • ತಾಮ್ರದ ಸಲ್ಫೇಟ್ ನೀರಿನ ದ್ರಾವಣದೊಂದಿಗೆ ಕಬ್ಬಿಣದ ಮೊಳೆ.
  • ದುರ್ಬಲವಾದ ಸಲ್ಫ್ಯೂರಿಕ್ ಆಮ್ಲದೊಂದಿಗೆ ಸತು.
  • ತಾಮ್ರದ ಸಲ್ಫೇಟ್ ಅನ್ನು ಕಾಯಿಸುವುದು.

Kindly register to read the book. Thank you.!

Description

ರಾಸಾಯನಿಕ ಬದಲಾವಣೆ ಎಂದರೇನು ?

ರಾಸಾಯನಿಕ ಬದಲಾವಣೆಯಲ್ಲಿ, ರಾಸಾಯನಿಕ ಕ್ರಿಯೆಯು ನಡೆಯುತ್ತದೆ ಮತ್ತು ವಸ್ತುಗಳು ತಮ್ಮ ಸ್ಥಿತಿಯಲ್ಲಿ ಬದಲಾವಣೆಗೆ ಒಳಗಾಗುತ್ತವೆ. ರಾಸಾಯನಿಕ ಪ್ರತಿಕ್ರಿಯೆಗಳಲ್ಲಿ ,ಒಂದು ವಸ್ತುವು ಮತ್ತೊಂದು ವಸ್ತುವಿನೊಡನೆ ಪ್ರತಿಕ್ರಿಯಿಸುತ್ತದೆ ಮತ್ತು ಹೊಸ ವಸ್ತುವನ್ನು ರೂಪಿಸುತ್ತದೆ. ಹೊಸ ವಸ್ತುವಿನ ರಾಸಾಯನಿಕ ಸಂಯೋಜನೆಯು ಪ್ರತಿಕ್ರಿಯಿಸುವ ವಸ್ತುವಿನಿಂದ ಭಿನ್ನವಾಗಿರುತ್ತದೆ .ರಾಸಾಯನಿಕ ಬದಲಾವಣೆಯಿಂದಾಗಿ, ದ್ರವ್ಯದ ರಾಸಾಯನಿಕ ಗುಣಲಕ್ಷಣಗಳು ಬದಲಾಗುತ್ತವೆ. ಇದರ ಅರ್ಥ ಉತ್ಪನ್ನವು ಪ್ರತಿಕ್ರಿಯಾಕಾರಿಗಿಂತ ಸಂಪೂರ್ಣವಾಗಿ ಭಿನ್ನವಾಗಿರುತ್ತದೆ .ಕೆಲವು ರಾಸಾಯನಿಕ ಪ್ರತಿಕ್ರಿಯೆಗಳು ಬಹಿರುಷ್ಣಕ ಅಥವಾ ಅಂತರುಷ್ಣಕ ವಾಗಿರುತ್ತವೆ .

ಬಹಿರುಷ್ಣಕ ಮತ್ತು ಅಂತರುಷ್ಣಕ ಪ್ರಕ್ರಿಯೆಗಳು ಎಂದರೇನು ?

ಅಂತರುಷ್ಣಕ ಪ್ರತಿಕ್ರಿಯೆಗಳಲ್ಲಿ, ವಸ್ತುವು ಶಕ್ತಿಯನ್ನು ಶಾಖದ ರೂಪದಲ್ಲಿ ಹೀರಿಕೊಳ್ಳುತ್ತದೆ ಮತ್ತು ರಾಸಾಯನಿಕ ಕ್ರಿಯೆಗೆ ಒಳಗಾಗುತ್ತದೆ. ಉದಾಹರಣೆಗೆ ಕೇಕ್ ಅನ್ನು ಬೇಯಿಸುವಾಗ ರಾಸಾಯನಿಕ ಬದಲಾವಣೆಯಲ್ಲಿ ಶಾಖ ಶಕ್ತಿಯು ಹೀರಿಕೆಯಾಗುತ್ತದೆ .

ಬಹಿರುಷ್ಣಕ ಪ್ರತಿಕ್ರಿಯೆಗಳಲ್ಲಿ, ಶಾಖ ಶಕ್ತಿಯು ಬಿಡುಗಡೆಯಾಗುತ್ತದೆ. ಸುಡುಮದ್ದುಗಳ ಸ್ಫೋಟವು ಬಹಿರುಷ್ಣಕ ರಾಸಾಯನಿಕ ಬದಲಾವಣೆಯ ಒಂದು ಉದಾಹರಣೆಯಾಗಿದೆ. ಸ್ಫೋಟವು ಬೆಳಕಿನ ರೂಪದಲ್ಲಿ ಶಕ್ತಿಯನ್ನು ಬಿಡುಗಡೆ ಮಾಡುತ್ತದೆ.

ದ್ಯುತಿರಾಸಾಯನಿಕ ಕ್ರಿಯೆ ಎಂದರೇನು ಎಂಬುದು ನಿಮಗೆ ತಿಳಿದಿದೆಯೇ?

ಕೆಲವು ರಾಸಾಯನಿಕ ಪ್ರತಿಕ್ರಿಯೆಗಳು ಕತ್ತಲಿನಲ್ಲಿ ನಡೆಯುವುದಿಲ್ಲ, ಆದರೆ ಸೂರ್ಯನ ಬೆಳಕು ಅಥವಾ ಇತರೆ ವಿಕಿರಣಗಳ ಉಪಸ್ಥಿತಿಯಲ್ಲಿ ಮಾತ್ರ ನಡೆಯುತ್ತವೆ. ಅಂತಹ ಕ್ರಿಯೆಗಳನ್ನು ದ್ಯುತಿರಾಸಾಯನಿಕ ಕ್ರಿಯೆಗಳೆಂದು ಕರೆಯಲಾಗುತ್ತದೆ. ಸಾಮಾನ್ಯವಾಗಿ ದ್ಯುತಿಸಂಶ್ಲೇಷಣೆ ಇದಕ್ಕೆ ಉದಾಹರಣೆಯಾಗಿದೆ, ಇದರಲ್ಲಿ ಸಸ್ಯಗಳು ಸೂರ್ಯನ ಬೆಳಕಿನಿಂದ ಶಕ್ತಿಯನ್ನು ಬಳಸಿಕೊಂಡು ಕಾರ್ಬನ್ ಡೈ ಆಕ್ಸೈಡ್ ಮತ್ತು ನೀರನ್ನು ಶರ್ಕರಗಳಾಗಿ ಪರಿವರ್ತಿಸುತ್ತವೆ ಮತ್ತು ಆಮ್ಲಜನಕವನ್ನು ಉಪ ಉತ್ಪನ್ನವಾಗಿ ಬಿಡುಗಡೆ ಮಾಡುತ್ತವೆ .

ಒಂದು ರಾಸಾಯನಿಕ ಬದಲಾವಣೆ ಒಂದು ವಸ್ತುವಿನ ಲಕ್ಷಣವನ್ನು ಬದಲಾಯಿಸುತ್ತದೆ ಮತ್ತು ಅದನ್ನು ಮತ್ತೆ ಹಿಂಪಡೆಯಲು ಸಾದ್ಯವಾಗದಿರಬಹುದು .

ಕೆಲವು ಬದಲಾಯಿಸಲಾಗದ ರಾಸಾಯನಿಕ ಬದಲಾವಣೆಗಳ ಉದಾಹರಣೆಗಳು

ಇಂಧನಗಳ ದಹನ (ಉರಿಯುವಿಕೆ): ದಹನಕ್ರಿಯೆಯಲ್ಲಿ,ಉತ್ಕರ್ಷಣಕಾರಕಗಳಾದ ಆಮ್ಲಜನಕ ಅಥವಾ ಫ್ಲೋರೀನ್ ಗಳು ಇಂಧನವನ್ನು ದಹಿಸಿ ಹೊಸ ಉತ್ಪನ್ನಗಳನ್ನು ರೂಪಿಸುತ್ತವೆ .

ತಟಸ್ಥ ಪ್ರತಿಕ್ರಿಯೆ: ತಟಸ್ಥ ಕ್ರಿಯೆಯು ಆಮ್ಲ ಮತ್ತು ಪ್ರತ್ಯಾಮ್ಲಗಳು ಪ್ರತಿಕ್ರಿಯಿಸಿ ಉಪ್ಪು ಮತ್ತು ನೀರನ್ನು ಉಂಟುಮಾಡುವ ಒಂದು ರಾಸಾಯನಿಕ ಪ್ರತಿಕ್ರಿಯೆಯ ವಿಧವಾಗಿದೆ. ಉದಾಹರಣೆಗೆ, ಸೋಡಿಯಂ ಹೈಡ್ರಾಕ್ಸೈಡ್ ಹೈಡ್ರೋಕ್ಲೋರಿಕ್ ಆಮ್ಲದೊಂದಿಗೆ ಪ್ರತಿಕ್ರಿಯಿಸಿ ಸೋಡಿಯಂ ಕ್ಲೋರೈಡ್ ಮತ್ತು ನೀರನ್ನು ಉಂಟುಮಾಡುತ್ತದೆ ಈ ಪ್ರತಿಕ್ರಿಯೆಯು ಬಹಿರುಷ್ಣ ಕ್ರಿಯೆಯಾಗಿದೆ, ಅಂದರೆ ಅದು ಶಕ್ತಿಯ ರೂಪದಲ್ಲಿ ಶಾಖವನ್ನು ಬಿಡುಗಡೆ ಮಾಡುತ್ತದೆ.

ಕಬ್ಬಿಣದ ತುಕ್ಕುಹಿಡಿಯುವಿಕೆ: ಕಬ್ಬಿಣದ ಮೇಲೆ ತೇವಾಂಶದ ಗಾಳಿಯ ರಾಸಾಯನಿಕ ಕ್ರಿಯೆಯಿಂದ ರೂಪುಗೊಂಡ ರಾಸಾಯನಿಕ ವಸ್ತುವನ್ನು ತುಕ್ಕು ಎನ್ನುವರು, ಇದು ಒಂದು ಉತ್ಕರ್ಷಣ ಕ್ರಿಯೆಯಾಗಿದೆ. ತುಕ್ಕಿನ ಸೂತ್ರವು Fe2O3 x H2O ಆಗಿದೆ.

ಹಣ್ಣುಗಳು ಮಾಗುವಿಕೆ ಮತ್ತು ಮೊಟ್ಟೆಗಳ ಬೇಯಿಸುವಿಕೆ ಸಹ ರಾಸಾಯನಿಕ ಬದಲಾವಣೆಗಳಾಗಿವೆ.

ನಿಸರ್ಗದಲ್ಲಿ ಕೆಲವು ರಾಸಾಯನಿಕ ಬದಲಾವಣೆಗಳನ್ನು ಹಿಮ್ಮುಖ ರಾಸಾಯನಿಕ ಬದಲಾವಣೆಯಾಗಿವೆ

ಉದಾಹರಣೆಗಳು

ಅಮೋನಿಯಂ ಕ್ಲೋರೈಡ್ ಉಷ್ಣ ವಿಘಟನೆ ಒಂದು ಹಿಮ್ಮುಖ ರಾಸಾಯನಿಕ ಬದಲಾವಣೆಯಾಗಿದೆ. 340°C ಗಿಂತಲೂ ಹೆಚ್ಚು ತಾಪದಲ್ಲಿ, ಇದು ವಿಭಜಿಸಿ ಅಮೋನಿಯಾ ಮತ್ತು ಹೈಡ್ರೋಜನ್ ಕ್ಲೋರೈಡ್ ಎರಡು ಅನಿಲಗಳು ರೂಪಗೊಳ್ಳುತ್ತವೆ .ತಂಪಾದಾಗ , ಹಿಮ್ಮುಖ ಪ್ರತಿಕ್ರಿಯೆಯಾಗಿ ಘನ ಅಮೋನಿಯಂ ಕ್ಲೋರೈಡ್ ಉಂಟಾಗುತ್ತದೆ.

ಜಲಜನಕ ಮತ್ತು ಆಮ್ಲಜನಕದಿಂದ ಅಮೋನಿಯದ ಸಂಶ್ಲೇಷಣೆ ಒಂದು ಹಿಮ್ಮುಖ ಕ್ರಿಯೆಯಾಗಿದೆ.

ಹೈಡ್ರೋಜನ್ ಮತ್ತು ಕ್ಲೋರಿನ್ ಗಳಿಂದ ಹೈಡ್ರೋಜನ್ ಕ್ಲೋರೈಡ್ನ ಸಂಶ್ಲೇಷಣೆಯೂ ಸಹ ಒಂದು ಹಿಮ್ಮುಖ ಪ್ರತಿಕ್ರಿಯೆಯಾಗಿದೆ.

ಕೆಲವು ಸರಳವಾದ ರಾಸಾಯನಿಕ ಪ್ರತಿಕ್ರಿಯೆಗಳ ಬಗ್ಗೆ ನಾವು ಚರ್ಚಿಸೋಣ.

ಗಾಳಿಯಲ್ಲಿ ಮೆಗ್ನೀಶಿಯಂ ಉರಿಯುವುದು.

ಮೆಗ್ನೀಶಿಯಂ ಒಂದು ಕ್ಷಾರೀಯ ಭೂ ಲೋಹವಾಗಿದ್ದು ಇದರ ರಾಸಾಯನಿಕ ಚಿಹ್ನೆ Mg ಆಗಿದೆ. ಇದು ಬೆಳ್ಳಿ ಬಿಳಿ ಲೋಹವಾಗಿದೆ. ಮೆಗ್ನೀಶಿಯಂ ಸುಲಭವಾಗಿ ಹೊತ್ತಿಕೊಳ್ಳುವ ಲೋಹವಾಗಿದ್ದು, ಅದರ ಪುಡಿ ರೂಪ ಅಥವಾ ತೆಳುವಾದ ಪಟ್ಟಿಗಳನ್ನು ಉರಿಸುವುದು ಸುಲಭವಾಗಿದೆ . ಮೆಗ್ನೀಶಿಯಂ ಗಾಳಿಯ ಆಮ್ಲಜನಕದೊಂದಿಗೆ ಉರಿದು ಮೆಗ್ನೀಶಿಯಂ ಆಕ್ಸೈಡ್ ಅನ್ನು ರೂಪಿಸುತ್ತದೆ ಮತ್ತು ಇದು ಒಂದು ಪ್ರತ್ಯಾಮ್ಲವಾಗಿದೆ .

ಸೋಡಿಯಂ ಸಲ್ಫೇಟ್ ಮತ್ತು ಬೇರಿಯಂ ಕ್ಲೋರೈಡ್ ನಡುವಿನ ಪ್ರತಿಕ್ರಿಯೆ

ಬೇರಿಯಂ ಕ್ಲೋರೈಡ್ ಸೋಡಿಯಂ ಸಲ್ಫೇಟ್ ನೊಂದಿಗೆ ತಮ್ಮ ಜಲೀಯ ದ್ರಾವಣಗಳ ರೂಪದಲ್ಲಿ ಸಂಯೋಜಿಸಿದಾಗ, ಬೇರಿಯಂ ಸಲ್ಫೇಟ್ ಬಿಳಿಯ ಒತ್ತರವು ಉಂಟಾಗುತ್ತದೆ.ಇದು ನೀರಿನಲ್ಲಿ ಕರಗುವುದಿಲ್ಲ. ಈ ಪ್ರತಿಕ್ರಿಯೆಯು ಸೋಡಿಯಂ ಕ್ಲೋರೈಡ್ ಅನ್ನು ಸಹ ಉಂಟುಮಾಡುತ್ತದೆ , ಇದು ನೀರಿನಲ್ಲಿ ಕರಗುವುದರಿಂದ ಮತ್ತು ಅದು ಕಂಡುಬರುವುದಿಲ್ಲ . ಬೇರಿಯಂ ಸಲ್ಫೇಟ್ ಒತ್ತರವು ದುರ್ಬಲ HCL ನಲ್ಲಿ ಕರಗುವುದಿಲ್ಲ.

ಇಲ್ಲಿ ಉತ್ಪತ್ತಿಯಾದ ಉತ್ಪನ್ನಗಳು ರಾಸಾಯನಿಕ ಸಂಯೋಜನೆ ಮತ್ತು ರಾಸಾಯನಿಕ ಗುಣಲಕ್ಷಣಗಳಲ್ಲಿನ ಪ್ರತಿಕ್ರಿಯಾಕಾರರಿಂದ ಸಂಪೂರ್ಣವಾಗಿ ವಿಭಿನ್ನವಾಗಿವೆ. ಆದ್ದರಿಂದ ಈ ಪ್ರತಿಕ್ರಿಯೆ ರಾಸಾಯನಿಕ ಬದಲಾವಣೆಯಾಗಿದೆ.

ನೀರಿನಲ್ಲಿ ತಾಮ್ರದ ಸಲ್ಫೇಟ್ ದ್ರಾವಣದೊಂದಿಗೆ ಕಬ್ಬಿಣದ ಮೊಳೆಗಳ ಪ್ರತಿಕ್ರಿಯೆ.

ಕಬ್ಬಿಣದ ಮೊಳೆ ತಾಮ್ರದ ಸಲ್ಫೇಟ್ ದ್ರಾವಣದಲ್ಲಿ ಮುಳುಗಿದಾಗ, ತಾಮ್ರದ ಕಂದು ಬಣ್ಣದ ಹೊದಿಕೆಯು ಕಬ್ಬಿಣದ ಮೇಲ್ಮೈಯಲ್ಲಿ ಮತ್ತು ತಾಮ್ರದ ಸಲ್ಫೇಟ್ ದ್ರಾವಣವು ನೀಲಿ ಬಣ್ಣದಿಂದ ತಿಳಿ ಹಸಿರುಗೆ ಬದಲಾಗುತ್ತದೆ . ಕಬ್ಬಿಣವು ತಾಮ್ರಕ್ಕಿಂತ ಹೆಚ್ಚು ಪ್ರತಿಕ್ರಿಯಾತ್ಮಕವಾಗಿದ್ದು, ತಾಮ್ರವನ್ನು ಅದರ ದ್ರಾವಣದಿಂದ ಸ್ಥಾನಪಲ್ಲಟಗೊಳುಸುತ್ತದೆ ಮತ್ತು ಕಬ್ಬಿಣವು Fe2 + ಅಯಾನುಗಳ ರೂಪದಲ್ಲಿ ದ್ರಾವಣದಲ್ಲಿ ವಿಲಿನವಾಗುತ್ತದೆ ಮತ್ತು ಕಬ್ಬಿಣದ ಸಲ್ಫೇಟ್ ದ್ರಾವಣವು ಉಂಟಾಗುತ್ತದೆ .

ಈ ಪ್ರತಿಕ್ರಿಯೆಯು ರಾಸಾಯನಿಕ ಸ್ಥಾನಪಲ್ಲಟ ಪ್ರತಿಕ್ರಿಯೆಯಾಗಿದೆ.

ದುರ್ಬಲ ಸಲ್ಫ್ಯೂರಿಕ್ ಆಮ್ಲದೊಂದಿಗೆ ಸತುವಿನ ಪ್ರತಿಕ್ರಿಯೆ

ಸತುವು ಹೈಡ್ರೋಜನ್ ಗಿಂತ ಹೆಚ್ಚು ಪ್ರತಿಕ್ರಿಯಾತ್ಮಕವಾಗಿರುತ್ತದೆ ಮತ್ತು ಇದು ದುರ್ಬಲ ಆಮ್ಲಗಳಿಂದ ಹೈಡ್ರೋಜನ್ ಅನ್ನು ಸ್ಥಳಾಂತರಿಸುತ್ತದೆ. ಸತುವು ದುರ್ಬಲವಾದ ಸಲ್ಫ್ಯೂರಿಕ್ ಆಮ್ಲದೊಂದಿಗೆ ಪ್ರತಿಕ್ರಿಯಿಸುತ್ತದೆ, ಇದು ಸತು ಸಲ್ಫೇಟ್ ಮತ್ತು ಹೈಡ್ರೋಜನ್ ಅನಿಲವನ್ನು ಉಂಟುಮಾಡುತ್ತದೆ ಇದು ಲೋಹದಿಂದ ಅಲೋಹದ ಈ ಪ್ರತಿಕ್ರಿಯೆಯು ರಾಸಾಯನಿಕ ಸ್ಥಾನಪಲ್ಲಟ ಪ್ರತಿಕ್ರಿಯೆಯಾಗಿ.

Zn ಮತ್ತು H2SO4 ಪ್ರತಿಕಾರಿಗಳಿಂದ , ZnSO4 ಮತ್ತು H2 (g) ಉತ್ಪನ್ನಗಳು ರಾಸಾಯನಿಕ ಸಂಯೋಜನೆ ಮತ್ತು ರಾಸಾಯನಿಕ ಗುಣಲಕ್ಷಣಗಳಲ್ಲಿ ಸಂಪೂರ್ಣವಾಗಿ ವಿಭಿನ್ನವಾಗಿವೆ. ಆದ್ದರಿಂದ, ಈ ಪ್ರತಿಕ್ರಿಯೆಯು ಒಂದು ರಾಸಾಯನಿಕ ಬದಲಾವಣೆಯಾಗಿದೆ.

ತಾಮ್ರದ ಸಲ್ಫೇಟ ನ ದಹನ ಕ್ರಿಯೆ

ಸಲ್ಫೇಟ್ ಪೆಂಟಾಹೈಡ್ರೇಟ್ ಒಂದು ಮೋಲ್ ಗೆ, ತಾಮ್ರ (II) ಸಲ್ಫೇಟ್ ನ 5 ಮೋಲ್ ನೀರನ್ನು ಹೊಂದಿರುತ್ತದೆ. ಇದರ ಸೂತ್ರವನ್ನು CuSO4.5H2O ಎಂದು ಬರೆಯಲಾಗಿದೆ. ಇದನ್ನು ಕಾಯಿಸಿದಾಗ ಇದು ಜಲರಹಿತ ಸಲ್ಫೇಟ್ ಆಗಿ ಪರಿವರ್ತಿಸುತ್ತದೆ .ತಾಮ್ರದ ಸಲ್ಫೇಟ್ ನ ನೀಲಿ ಬಣ್ಣವು ನೀರಿನ ಜಲಸಂಚಯನದ ಕಾರಣದಿಂದಾಗಿರುತ್ತದೆ. 63°C ಗೆ ಕಾಯಿಸಿದಾಗ ಅದು ಎರಡು ನೀರಿನ ಅಣುಗಳನ್ನು ಕಳೆದುಕೊಳ್ಳುತ್ತದೆ ಮತ್ತು ನಂತರ ~ 109 ° C ಕ್ಕೆ ಎರಡು ಮತ್ತು ~ 200 ° C ನಲ್ಲಿ ಅಂತಿಮ ನೀರಿನ ಅಣುವನ್ನು ಕಳೆದುಕೊಳ್ಳುತ್ತದೆ ಮತ್ತು ಬಿಳಿ ಬಣ್ಣದ ಜಲರಹಿತ ಸಲ್ಫೇಟ್ ಗೆ ಬದಲಾಗುತ್ತದೆ.

ಮೇಲಿನ ಪ್ರಕ್ರಿಯೆಯು ಹಿಮ್ಮುಖ ಪ್ರತಿಕ್ರಿಯೆಯಾಗಿಸಬಹುದು . ಬಿಳಿ ಬಣ್ಣದ ಜಲರಹಿತ ತಾಮ್ರದ ಸಲ್ಫೇಟ್ ಗೆ ನೀರನ್ನು ಸೇರಿಸಿದಾಗ,ಅದರ ಬಣ್ಣವು ನೀಲಿ ಬಣ್ಣಕ್ಕೆ ಬದಲಾಗುತ್ತದೆ, ಇದು ನೀಲಿ ಬಣ್ಣದ ತಾಮ್ರದ ಸಲ್ಫೇಟ್ ಪೆಂಟಾಹೈಡ್ರೇಟ್ ಪುನರುತ್ಪಾದನೆಯಾಗಿದೆ ಎಂದು ಸೂಚಿಸುತ್ತದೆ. ಆದ್ದರಿಂದ, ಇದು ಒಂದು ಹಿಮ್ಮುಖ ರಾಸಾಯನಿಕ ಬದಲಾವಣೆಯಾಗಿದೆ.

650°C ತಾಪಮಾನದಲ್ಲಿ ಮತ್ತಷ್ಟು ಬಿಸಿಮಾಡುವುದರಲ್ಲಿ, ಜಲರಹಿತ ತಾಮ್ರದ ಸಲ್ಫೇಟ್ ವಿಭಜನೆಯಾಗಿ ತಾಮ್ರ ಆಕ್ಸೈಡ್ (CuO) ಮತ್ತು ಸಲ್ಫರ್ ಟ್ರೈಆಕ್ಸೈಡ್ (SO3) ಗಳನ್ನು ಉಂಟುಮಾಡುತ್ತದೆ ಮತ್ತು ಈ ಪ್ರತಿಕ್ರಿಯ ಹಿಮ್ಮುಖ ರಾಸಾಯನಿಕ ಕ್ರಿಯೆ ಆಗಿರುದಿಲ್ಲ.

ಕಲಿವಿನ ಫಲಗಳು

1.ವಿದ್ಯಾರ್ಥಿಗಳು “ರಾಸಾಯನಿಕ ಪ್ರತಿಕ್ರಿಯೆ”ಎಂಬ ಪದವನ್ನು ಅರ್ಥಮಾಡಿಕೊಳ್ಳುತ್ತಾರೆ.

2.ವಿದ್ಯಾರ್ಥಿಗಳು ವಿವಿಧ ರಾಸಾಯನಿಕ ಕ್ರಿಯೆಗಳನ್ನು ದೃಶ್ಯೀಕರಿಸುತ್ತಾರೆ ಮತ್ತು ಭೌತಿಕ ಬದಲಾವಣೆಗಳು ಮತ್ತು ರಾಸಾಯನಿಕ       ಬದಲಾವಣೆಗಳ ನಡುವಿನ ವ್ಯತ್ಯಾಸವನ್ನು ಅರ್ಥಮಾಡಿಕೊಳ್ಳುತ್ತಾರೆ.

3.ವಿದ್ಯಾರ್ಥಿಗಳು ಈ ಕೆಳಗಿನವುಗಳನ್ನು ಬಳಸಿಕೊಂಡು ವಿವಿಧ ರಾಸಾಯನಿಕ ಕ್ರಿಯೆಗಳನ್ನು ಕೈಗೊಳ್ಳುತ್ತಾರೆ.

  • ಮೆಗ್ನೀಶಿಯಂ ರಿಬ್ಬನ್.
  • ಸೋಡಿಯಂ ಸಲ್ಫೇಟ್ ಮತ್ತು ಬೇರಿಯಂ ಕ್ಲೋರೈಡ್.
  • ಕಬ್ಬಿಣದ ಮೊಳೆ ಮತ್ತು ತಾಮ್ರದ ಸಲ್ಫೇಟ್ ಜಲೀಯ ದ್ರಾವಣ.
  • ಸತುವಿನ ಕಣಗಳು ಮತ್ತು ದುರ್ಬಲ. HCl.
  • ಜಲಯುಕ್ತ ತಾಮ್ರದ ಸಲ್ಫೇಟ್.

4.ಪ್ರತಿ ಪ್ರತಿಕ್ರಿಯೆಯಲ್ಲಿ ರೂಪುಗೊಂಡ ಉತ್ಪನ್ನಗಳನ್ನು ವಿದ್ಯಾರ್ಥಿಗಳು ಗುರುತಿಸುತ್ತಾರೆ ಮತ್ತು ಉತ್ಪನ್ನಗಳು ರಾಸಾಯನಿಕವಾಗಿ ಪ್ರತಿಕಾರಕಗಳಿಗಿಂತ ವಿಭಿನ್ನವಾಗಿವೆ ಎಂದು ತೀರ್ಮಾನಿಸುತ್ತಾರೆ.

5.ವಿದ್ಯಾರ್ಥಿಗಳು ಹೀಗೆ ಗಳಿಸಿಕೊಂಡಿರುವ ಕೌಶಲಗಳನ್ನು ಆಧರಿಸಿ, ವಿದ್ಯಾರ್ಥಿಗಳು ರಾಸಾಯನಿಕ ಕ್ರಿಯೆಯನ್ನು ನಿರ್ವಹಿಸಲು ಸಮರ್ಥರಾಗುವರು..

Additional information

Author

Language

Publisher

Year

Reviews

There are no reviews yet.

Be the first to review “Class 9: ರಾಸಾಯನಿಕ ಕ್ರಿಯೆಗಳು”

Go to Top